​​

Press Release : | دری‎, English, Français

د نړیوالې جنایي محکمې قاضیانو د افغانسنان د وضعیت په اړه د پلټنو پیلېدنه رد کړه

ICC-CPI-20190412-PR1448


نن د ۱۳۹۸ کال د حمل میاشتې ۲۳ نېټه  چې د ۲۰۱۹ میلادی کال د اپریل د ۱۲ نیټې سره سمون لري، د نړیوالې جنایي محکمې دوهم مقدماتي قضایي هیئت د ټولو رایو په موافقت سره د نوموړې محکمې د څارنوال هغه غوښتنه رد کړه چې د افغانستان د اسلامي جمهوریت په خاوره د اِدعا شوو بشر ضد جنایتونو او جنګي جنایتونو په هکله یې د پلټنې اجازه غوښتې وه.  قاضیانو دا پریکړه وکړه چې د افغانستان د وضعیت په هکله به دا اوسمهال د پلټنو پیل عدالت ته د رسیدو په هکله ګټور نه وي. قاضي  انتوینې کیسیا-مبي میندوا، چې خپل وَرته نظر به جلا ضمیمه کړي، قاضي توموکو اکېن او قاضي روساریو سلویتور اَیتالا په نوموړی قضایي هیئت کې شامل دی.   

د ۱۳۹۶ کال د عقرب میاشتې پر ۲۹  چې د ۲۰۱۷ میلادی کال د نومبر د ۲۰ سره سمون لري، څارنوال د مقدماتي محکمې له قاضیانو څخه د صلاحیت غوښتنه وکړه تر څو د هغه اِدعا شوو جنایتونو په هکله پلټنې او تحقیقات پیل کړي کوم چې د افغانستان په خاوره د ۱۳۸۲ کال د ثور د ۱۱ نیټې راهیسې چې د ۲۰۰۳ میلادی کال د مې د میاشتې د ۱ نیټې سره سمون لري، پیښ شوي وي؛ یا نور وَرته اِدعا شوي جنایتونه کوم چې په افغانستان کې د وسلوالې جګړې سره تړاو لري او د روم د تړون د غړو هیوادونو په خاوره د ۱۳۸۱ کال د سرطان میاشتی د ۱۰ می نیټی راپدیخوا چې د ۲۰۰۲ میلادی کال د جولای د ۱ نیټی سره سمون لري، ترسره شوي وي.

قضایي هیئت هغه معلومات چې د څارنوال له لوري ورکړل شوي وو په دقت سره وکتل او توجه یې وکړه چې د څارنوال په غوښتنه کې معقول دلائل شته چې وه انګیرل شي داسې جنایتونه کوم چې د نړیوالې جنايي محکمې تر قضايي صلاحیت لاندې راځې په افغانستان  کې ترسره شوي او دا چې ځینې قضيې به د محاکمې لپاره محکمې ته د قبولتیا وړ وي. خو البته، نوموړي قضایي هیئت دي ته پر کتو چې له ۲۰۰۶ میلادی کال راهیسې کوم وخت چې لمړنۍ څیړنې پیل شوې زیاته موده تیره شوې او د افغانستان په سیاسې اوضاع کي بدلونونه راغلي دی، او د څارنوال  سره تر اوسه د موجوده همکاریو کمښت او په غالب ګمان کله چې د څیړنو اجازه ورکړل شې نو دا همکارۍ به لا نورې هم کمې شي، هغه لاملونه دي چې د پلټنو په بریالیتوب کې او د عدلي تعقیب لپاره خنډ ګرزي؛ او همدا شان محکمې ته دا اړتیا هم شته تر څو د خپلو منابعو کارولو ته په هغه فعالتونو کې ترجیح ورکړي چې د بریالیتوب احتمال یې ډیر وي. 

دا قضايي هیئت باور لري، سره له دې که د قضایې صلاحیت او محکمې ته د قبولتیا په هکله ټول اړین شرائط پوره هم شي، د افغانستان د وضعیت اوسني حالات داسې دي چې د پلټنو او عدلي تعقیب بریالیتوب خورا محدود پکښې ښکارېږي. نو له دې کبله، یوازې لږ امکان شته چې پلټنې او تحقیقات به هغه اهداف ترلاسه کړي چې د متضررینو او قربانیانو لخوا یاد شوي وو کوم چي د پلټنو غوښتونکي دي. نو پر دغه اساس قضایي هیئت دې پایلې ته ورسید چې د افغانستان د وضعیت په هکله به په اوسني پړاو کې پلټنې د عدالت په ګټه نه وي نو ځکه یې د څارنوال غوښتنه د پلټنو د پیلېدو په هکله رد کړه.

  د روم د اساسنامې د ۱۵ مادې پر بنسټ د افغانستان د اسلامي جمهوریت د وضعیت اړوند د پلټنو په هکله پریکړه

پوښتنې او ځوابونه


د نورو معلوماتو لپاره، مهرباني وکړئ د فادي ال عبدالله، د نړیوالې جنایي محکمې دعامه چارو د ادارې رئیس  او ویاند سره په لاندې تلفوني شمیرو اړیکه ونیسئ : ۰۰۳۱۷۰۵۱۵۹۱۵۲ یا ۰۰۳۱۶۴۶۴۴۸۹۳۸ او یا هم په لاندې آدرس بریښنالیک واستوئ: [email protected]

همداراز کولی شئ د محکمې فعالیتونه پر

 تویتر، فیسبوک، تمبلر، یوتیوب، انستګرام او فلیکر وګورئ.